PREFATIO SOLIUS PERSONE, QUE PRIMUM NUBIT CUM EA PERSONA QUE IAM NUBSIT (1)

Deum, cuius est omne bonum et a quo bonum omne largitur, quod bene optantis voto requiritur, Fratres karissimi, cum universis fidelibus devotius exoremus, ut hos Illos quos coniugalis federis copulam adire permisit, gratia benedictionis opulentes munificet : quo valeant et sine culpa obtinere quessitum, et cum divina benedictione lucrare concessum.
R/. Amen.

Item Benedictio.

Deus, a quo benedictionis origo descendit, et ad quem precatio benedicentis ascendit; qui primordialia humani generis incrementa sacri oris propagasti, sententiam dicens: «Crescite et multiplicamini et replete terram» adsiste precibus nostris, et orantibus nobis clementer porrige que rogaris. Concede, Domine, huic famule tue Illi, quam novello nectitur vinculo coniugali, sinceram gratiose dulcedinis opem et veram viri cui iungitur caritatem.
R/. Amen.

Ita eius inhereat copulo, ne tuo recedat ullatenus a precepto.
R/. Amen.

Ita carne uterque fructificent, ut spiritu semper que sancta sunt cogitent.
R/. Amen.

Ita munere filiorum tua ditentur ex gratia, ut post felicia longioris vite curricula ad regna mereantur pervenire celestia.

Piisime Pater, qui in Trinitate unus Deus gloriaris in secula seculorum.
R/. Amen.

Benedictio.

Benedicat vobis Dominus glorie celestis et rex omnium seculorum.
R/. Amen.

Det vobiscum sue dulcedinis dulcedinem, uti seculi presentis felicitatem.
R/. Amen.

Conlatio etiam gaudio filiorum, post diuturnum tempus conferat habitaculum celestium mansionum.
R/. Amen.

(1) Marius F�rotin, OSB. Le Liber Ordinum, etc. París 1904. Reed. Roma 1996, col. 434-435.

© La Ermita. España MMVI