BENEDICTIO SOLIUS PUELLE (1)

Deus, qui tegi Rebbecam palleo cum vidisset Isaac, Spiritu tuo docente, iussisti; qui habere mulierem super caput velamen per angelos precepisti : dignare benedicere hanc famulam tuam Illam, que nubendi animum gerit. Tegatur propria castitate. Pudoris sui velamen accipiat; habeat pudicitie sue donum. Uni adhereat viro; uni nubat in Christo : sciat sibi non in fornicatioe, sed in ipsa veritate nubendum. Respiciat ad Abraham patrem suum et ad Sarram matrem suam atque similitudinem, matrem nubentium sanctorum, atque fidelium liberorum procreatione salvetur.

Pater noster.

Benedictio.

Benedicat vobis Dominus nostris oris alloquio, et cor vestrum sinceri amoris copulet nexu perpetuo.
R/. Amen.

Floreatis rerum presentium copiis, fructificetis decenter in fillis, gaudeatis perenniter cum amicis.
R/. Amen.

Tribuat vobis Dominus dona perennia, parentibus tempora feliciter dilatata, et cunctis gaudia sempiterna.
R/. Amen.

His explicitis, tradit sacerdos puellam viro, admonens eos, ut pro sancta communione a pollutione in ea nocte se custodiant. Et sic conmunicant. Post hec absoluit diaconus, dicens:

In nomine Domini nostri Ihesu Christi missa acta est.- Eamus cum pace.

Et dum per hinc ambulare ceperint ac de ecclesia egredu, decantatur hec antiphona:

Vos, quos ad coniugalis gaudium perduxit Dominus, ut letemini cum filiis, nepotibus, ut sitis exemplum Abrae et Sarre... Isaac cum Rebeca, quos dilexit Dominus et dedit illis conceptum.

Post hec dicit:

Benedictio.

Benedicat vos trina Maiestas et una Deitas.
R/. Amen.

Pater, et Filius, et Spiritus Sanctus.
R/. Amen.

Tales vos dies examinationis inveniant, quales fons regenerationis emisit.
R/. Amen.

(1) Marius F�rotin, OSB. Le Liber Ordinum, etc. París 1904. Reed. Roma 1996, col. 434-435.

© La Ermita. España MMVI