ORDO ARRARUM (1)

Si quis arras volverit, accedit ad sacerdotem, et offertur fiala et desuper ponit sindonem mundam et duos anulos.

Oratio.

Domine Deus omnipotens, qui in similitudinem sancti conubii Isaac et Rebeccam pro intromissione arrarum famulum tuum Abraham destinare iussisti, ut oblatione munerum numerositas cresceret filiorum.

Quesemus omnipotentiam tuam, ut harum arrarum oblatione, quam hic famulus tuus Ille dilecta sponse sue Illi offerre procurat, sanctificator accedas, eosque cum suis muneribus propitius benedicas. Quatenus, tua benedictione protecti ac vinculo dilectionis innixi, gaudeant se feliciter cum tuis fidelibus perenniter mancipari.

Piisime Pater, qui in Trinitate unus Deus gloriaris in secula seculorum.
R/. Amen.

Benedictio.

Repleat vos Dominus dulcedinis sui timoris, et fecundet germine sanctitatis.
R/. Amen.

Odor vite vestre candidum redolescat ut lilium, ut mente semper ascendatis in celum.
R/. Amen.

Oblata quoque arrarum invicem munera, ita divino munere conservetis, ut eodem pignore corde magis coniuncti, virtutum ubique proles parturiatis.
R/. Amen.

(1) Marius F�rotin, OSB. Le Liber Ordinum, etc. París 1904. Reed. Roma 1996, col. 434-435.

© La Ermita. España MMVI