ORDO AD THALAMUM BENEDICENDUM (1)

Primus quidem, secundum consuetudinem, die sabbato hora tertia salis adsparsio facienda est in loco domorum vel thalami. Deinde, cum ingreditur sacerdos ad thalamum benedicendum, imponit hunc versum, et dicit:

VERS. Respice in servos tuos et in opera tua, Domine, et dirige filios eorum in benedictionibus.

Deinde hanc orationem.

Oratio.

Domine, cuius benedictione plena consistunt que in tui Nominis invocatione benedictionem percipiunt benedicito huic habitaculo solius honestatis nubtui preparato.

Ut in nullo illud malorum occursus adtingat, sed honestas et munditia coniugalis sola possideat, atque miseratio tua celebritati eius digna sufficienter adsistat.

Pater noster.

Benedictio.

Omnipotens Dominus huic receptaculo nuptiali copiam benedictionis sue inpendat, et convenientes in eo sanctificatione perpetua benedicat.
R/. Amen.

Omnis incursio malignorum spiritum ab hoc loco diffugeat, et visitatio angelica hic obtata proveniat.
R/. Amen.

Ita hic, intrantibus ad nuptialem celebritatem et opus et sermo sit utilis, ut lascive non perferantur naufragium voluptatis.
R/. Amen.

Qualiter, et nubentes pudicitie honestas confoveat, et nubentium gaudiis adgregatos pax eterna sustollat.
R/. Amen.

(1) Marius F�rotin, OSB. Le Liber Ordinum etc. Par�. 1904. Reed. Roma 1996, col. 433.

© La Ermita. España MMVI