Verbum
Patris, quod prodiit factum caro
(In Quarto Dominico
Quadragesimae. Ad Vesperum. In secundis Vesperis
/ Cuarto domingo
de Cuaresma. Vísperas y segundas Vísperas.
In Quinto Dominico Quadragesimae. Ad Vesperum. In
secundis Vesperis / Quinto
domingo de Cuaresma. Vísperas y segundas
Vísperas.
Feriæ Quadragesimæ. Ad Vesperum
/ Ferias de la
cuarta y quinta semanas de Cuaresma. Vísperas) Verbum
Patris, quod prodiit factum caro;
Agnus Dei peccata mundi auferens:
Ad te venimus cernui, ut inclytum
Bibamus almae passionis sanguinem.
Ostende vulnerum sacrorum
stigmata:
Exurgat insignis Crucis fortissimum
Signum, quod in vigore perpetim
Manens, credentibus salvationem conferat.
Arundo, clavi, sputa, potus
myrrheus,
Corona spinarum, flagella, lancea,
Impressa sunt damnationis verbera:
Iam nostra pro his cuncta dele crimina.
Fons vulneris Sacri riget
praecordia,
Lavet cruor, malitiaeque contagia:
Sit vita praesens absque omni crimine;
Futura detur in beato munere.
Ut, cum resurgendi dies
effulserit,
Orbique regni claritas inluxerit,
Sequamur aetheris viam, quae nos trahat
In se receptos jam perennes incolas.
Honor sit Aeterno Deo, sit
gloria
Uni Patri, ejusque soli Filio
Cum Spiritu; quae Trinitas perenniter
Vivit potens in saeculorum saeculis.
Amen.
|
